Helpu i Ddatblygu a Diogelu Eich Syniadau –
gallwn droi eich syniadau yn llwyddiant.
Unwaith mae gennych syniad newydd neu ar ôl i chi ddatblygu
cynnyrch, proses neu wasanaeth, gallwn helpu i ddod o hyd i
bartneriaid masnachol ar gyfer cytundebau trwyddedu neu
weithgynhyrchu.
Mae hefyd yn bwysig i ddiogelu eich syniadau yn
gyfreithiol. Rydym yn cynnig cyngor ac arian i ddiogelu eich
Eiddo Deallusol. Ewch i’r
dudalen Ariannu i gael mwy o fanylion.
Rydym hefyd yn gweithio’n agos â Swyddfa Eiddo Deallusol y DU. I
gael mwy o wybodaeth am Eiddo Deallusol, ewch i wefan
Swyddfa Eiddo Deallusol y DU.
Dyfeiswyr
Os ydych yn ddyfeisiwr sy’n gweithio ar eich
pen eich hun, rydym hefyd yn rhedeg rhwydwaith sy’n benodol ar eich
cyfer chi – ewch i wefan Rhwydwaith Dyfeiswyr Cymru
(WIN).
Gwybodaeth, Syniadau ac Atebion
Os ydych yn chwilio am syniadau i’ch helpu i ddatrys problem,
rydym yn darparu mynediad i wybodaeth mewn sefydliadau
academaidd, ynghyd ag arferion gorau ac
arbenigedd mewn busnesau eraill.
Gallech hefyd ymuno â rhwydwaith busnes sy’n
seiliedig ar sectorau er mwyn rhannu syniadau a chael gwybodaeth
reolaidd am y dechnoleg ddiweddaraf.
I gael mwy o wybodaeth am yr uchod, Cysylltwch â Ni.
ASTUDIAETH ACHOS LEOL - SkiWeb
"Fy ngwr, Peter, wnaeth ddyfeisio SkiWeb - gwregys
arbennig i gario cyfarpar sgio lletchwith - pan gafodd ddigon ar
gario setiau o sgis a pholion i'r holl deulu ar wyliau sgio yn y
Swisdir', eglurodd Sian Brooks.
"Roedd dyfeisio a datblygu'r prosiect yn rhwydd –y
drafferth oedd nad oedden ni’n gwybod beth i'w wneud nesaf! Fe
wnaethon ni gysylltu â Rhwydwaith Arloeswyr Cymru i ofyn am gyngor
ac roedden nhw’n wych. Fe wnaethon nhw egluro’r broses
gam wrth gam a mynd â ni yn raddol drwy bob cam mewn modd
trefnus iawn".